Euskal Herria

Batasunak eskaturiko abstentzioak PSOE lagundu du

Batzutan entzuten ohi da ETAk eta Espainiako Gobernuak zein Auzitegi Gorenenak batak bestea behar dutela. Txiste tipikoa da, nire ustetan, oso gustu txarrekoa. Baina batzutan, pasa den domekan lez, badirudi horrelaxe izango balitz moduz.

Batasuna, Herri Batasuna, Euskal Herritarrok, AuB, EHAK eta ANV ETAren esku politikoa izan direla ez da sekretua filmaren momentu honetan. Ezker abertzale radikal honen eta Espainiako Estatuaren arteko tentzioa beti ikaragarria da. Bata tentel jartzen du bere burua eta, besteak, are gehiago.

Oraingoan, ETAk, Arrasateko zinegotzia hil ez ezik ekintza nazkagarri batean, baita abstentzioa eskatu du hauteskundeetan, PNV, Ertzaintza, Espainiar Estatu erasotzailea edo Ama Birginaren kontra... ja ez dakit nik noren aurka. Aipagarria dena da beti bere joera erradikalen aurrean, erantzule bakarrak izan ez ezik, kaltea eragiten dietela haien buruei eta, baita, herri honi eta euskal independentismoari.

Pistola bategaz 12 tiro jotzeak "Demokrazia Euskal Herriarentzat" baldin bada, edo bakerantzako bidea edota gatazka politikoaren konponbidea, gero etor daitezen beraiek biktima gisa jokatzen. Haien azkeneko ilegalizazioak, --bai, ezbidezkoak izan dira guztiz, eta antidemokratikoak ere-- beraiek lortu egin dituzte, beren politika salbatzailearen oparitzat jokatu dute neurri judizialek.

Indus

12-MAR-2008